شکرگڑھ (رانا طاہر شہزاد) پاکستان تحریک انصاف ڈسٹرکٹ نارووال کے سینئر نائب صدر چودہری اظہر رشید ایڈووکیٹ،  نائب صدر پاکستان تحریک انصاف تحصیل شکرگڑھ معین حسن صدیقی ایڈووکیٹ اور ضلعی صدر انصاف سٹوڈنٹس فیڈریشن محسن مشتاق چودہری نے اپنے مشترکہ میڈیا بیان میں رہنما پاکستان تحریک انصاف عمر ڈار کو ایڈوائزری کونسل و مانیٹرنگ کمیٹی برائے سیکرٹری جنرل پاکستان تحریک انصاف کا ممبر منتخب ہونے پر مبارکباد پیش کرتے ہوئے اپنی نیک تمناؤں کا اظہار کیا ہے۔ پاکستان تحریک انصاف ڈسٹرکٹ نارووال کے سینئر نائب صدر چودہری اظہر رشید ایڈووکیٹ نے گفتگو کرتے ہوئے کہا کہ بلاشبہ فخر سیالکوٹ رہنما تحریک انصاف عمر ڈار کی پارٹی خدمات انتہائی قابل تحسین ہیں جن کو کبھی بھی فراموش نہیں کیا جا سکتا۔ ان کا ایڈوائزری کونسل و مانیٹرنگ کمیٹی برائے سیکرٹری جنرل پاکستان تحریک انصاف کا ممبر منتخب ہونا قیادت کا بہترین فیصلہ ہے۔