شکرگڑھ (رانا طاہر شہزاد) ہمارے نیوز روم کو موصولہ اطلاعات کے مطابق شکرگڑھ کے قصبہ دودھوچک کے ایک رہائشی کے گھر پرندوں کے پنجرے میں خطرناک کوبرا سانپ گھس آیا۔ پنجرے میں مقید پرندوں کے خلاف معمول شور پر گھر کے افراد متوجہ ہوئے جس پر پنجرے میں کوبرا سانپ کی موجودگی کا پتہ چلا۔ اہل خانہ نے فوری طور پر ریسکیو 1122 کو اطلاع دی۔ ریسکیو ٹیم نے موقع پر پہنچ کر کمال مہارت سے 15 منٹ کے کامیاب آپریشن کے بعد کوبرا سانپ کو اپنی گرفت میں لے لیا۔اور اہل خانہ کو اس موذی کی طرف سے پہنچے والے کسی بھی طرح کے نقصان سے بچا لیا۔ ریسکیو ٹیم نے گرفت میں آنے والے نایاب نسل کے کوبرا سانپ کو آبادی سے دور لے جا کر قدرتی ماحول میں چھوڑ دیا۔ اہل علاقہ بالخصوص اہل خانہ نے ریسکیو ٹیم کی بروقت کامیاب کارروائی پر انہیں خراج تحسین پیش کیا ہے