شکرگڑھ (رانا طاہر شہزاد) ریسکیو 1122 کو اطلاع ملنے پر ریسکیو ٹیم نے نورکوٹ روڈ سے ملحقہ محلہ انتووالی کے قبرستان سے نومولود بچے کو اپنی تحویل میں لے لیا۔ ابتدائی چیک اپ کے مطابق نومولود کو سانس لینے میں دشواری کا سامنا تھا۔ ریسکیو ٹیم نے نومولود کو تحصیل ہیڈ کوارٹر ہسپتال شکرگڑھ منتقل کر دیا ہے جہاں ڈیوٹی پر موجود ڈاکٹر نے بچے کو فوری طبی امداد فراہم کی۔ دوسری جانب متعلقہ تھانے کی پولیس اس گھناونے جرم میں ملوث عناصر کو گرفت میں لینے کے لئے مصروف تفتیش ہے۔