شکرگڑھ (رانا طاہر شہزاد) سرکاری احکامات پر عمل درآمد نہ کرنے اور دوکانوں پر ٹائلیں نہ لگانے کی پاداش میں شہر کے مرکزی درمان روڈ پر واقع درجنوں دکانیں سیل کردی گئیں ہیں۔ مقامی انتظامیہ کے مطابق ان دکانداروں نے سرکاری احکامات پر عمل درآمد نہیں کیا تھا۔ ذرائع کے مطابق جب تک متاثرہ دوکاندار اپنی دوکانوں پر ٹائلیں نصب نہیں کرتے کاروبار زندگی معطل رہے گا۔ دوسری طرف شہر کے مرکزی مین بازار میں بھی ٹائلیں نصب کرنے کا معاملہ طول پکڑ گیا ہے۔ اس سلسلہ میں دوکانداروں اور انتظامیہ کے درمیان تاحال اتفاق نہیں ہوسکا جس کی وجہ سے مبینہ طور پر آئندہ چند روز تک مین بازار کی دوکانوں کو بھی سیل کیا جانا متوقع ہے۔