شکرگڑھ (صہیب حسن صدیقی) ڈپٹی کمشنر نارووال محمد طیب خان کی ہدایات پر شکرگڑھ سمیت ڈسٹرکٹ نارووال بھر میں سیوریج لائنوں کی عملی صفائی اور کھلے مین ہولز پر نئے ڈھکن لگانے کے کام آغاز کردیا گیا ہے۔ اس بابت ڈپٹی کمشنر نارووال نے متعلقہ اتھارٹی کو وارننگ جاری کرتے ہوئے کہا ہے کہ انسانی زندگی کا تحفظ میری اولین ترجیح ہے۔ اس سلسلہ میں کسی بھی قسم کی کوتاہی برداشت نہیں کی جائے گی۔ ڈپٹی کمشنر نے ڈسٹرکٹ بھر کے شہریوں سے تعاون کی اپیل کرتے ہوئے کہا کہ شہری درپیش مسائل کے فوری حل اور بالخصوص کھلے مین ہولز بارے درج ذیل فون نمبر پر اطلاع دیں:
0542-920027