شکرگڑھ ٹائمز ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لوکل نیوز
تحصیل بار شکرگڑھ 2025–26 کے انتخابات کا عمل مکمل، 
چودہری ناصر جمیل گورسی ایڈووکیٹ صدر اور چودہری ضیاء ارشد ایڈووکیٹ جنرل سیکرٹری منتخب ہو گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شکرگڑھ (صہیب حسن صدیقی) تحصیل بار شکرگڑھ 2025–26 کے انتخابات کا عمل مکمل ہو گیا۔ چودہری ناصر جمیل گورسی ایڈووکیٹ 256 ووٹ لے کر صدر جبکہ چودہری ضیاء ارشد ایڈووکیٹ 275 ووٹ لے کر جنرل سیکرٹری منتخب ہوگئے۔ ان کے مقابلے میں صدر کے لئے حافظ عبدالستار کھٹانہ ایڈووکیٹ 147 اور سیکرٹری جنرل کے لئے چودھری ظہیر طور ایڈووکٹ 127 ووٹ حاصل کر سکے۔کل 427 ووٹ کاسٹ ہوئے جن میں سے 24 ووٹ مسترد کئے گئے۔ قبل ازیں بار کی باقی نشستوں کے لئے عہدیدار بلا مقابلہ منتخب ہو چکے ہیں اور چھ عہدیداران کو بلا مقابلہ منتخب قرار دیا گیا تھا۔ نوٹیفکیشن کے مطابق رضوان خان ترین ایڈووکیٹ نائب صدر، حسین خان شیروانی ایڈووکیٹ فنانس سیکریٹری، معین حسن صدیقی ایڈووکیٹ جوائنٹ سیکرٹری، اصطفیٰ کوہلی ایڈووکیٹ لائبریری سیکرٹری، حافظ یاسر کسانا ایڈووکیٹ آڈیٹر اور عبدالجبار ایڈووکیٹ ممبر مشاورتی کونسل بلا مقابلہ کامیاب قرار دیئے گئے تھے۔