شکرگڑھ (صہیب حسن صدیقی) شکرگڑھ میں جماعت اسلامی کا پر امن عوامی ریفرنڈم کیمپ اکھاڑ دیا گیا۔ جماعت اسلامی کمقامی رہنما فہد یعقوب کا کہنا ہے کہ شکرگڑھ میں گزشتہ روز سے لگایا گیا  عوامی ریفرنڈم کیمپ جو کہ پر امن انداز میں چل رہا تھا اچانک صبح ڈی سی نارووال کی آمد سے قبل اکھاڑ دیا گیا۔ اس حوالے سے ان کا کہنا ھے کہ حکومت پنجاب بوکھلاہٹ کا شکار ھے، جماعت اسلامی شکرگڑھ نے ایسی جگہ کیمپ لگایا ھوا تھا جہاں نہ تو کوئ ٹریفک کا مسلہ درپیش تھا اور نہ ھی کوئ غیر قانونی ایکٹیویٹی ھو رہی تھی، لوگ جوق در جوق انتہائ منظم انداز میں ریفرنڈم میں حصہ لے رہے تھے۔ آج صبح ایک دم ڈی سی نارووال کی آمد سے قبل شکرگڑھ انتظامیہ کا کیمپ کو اکھاڑنا انتہائ غیر سنجیدہ اور غیر اخلاقی اقدام ھے۔ جماعت اسلامی شکرگڑھ اسکی پر زور مذمت کرتی ھے اور شکرگڑھ انتظامیہ کو یہ باور کروانا چاہتی ھے کہ انکے اوچھے ہتھکنڈے عوامی رائے عامہ کے اس پروگرام کو روکنے میں  کسی صورت کارگر ثابت نہ ھوں گے۔ انہوں نے زور دے کر کہا کہ یہ ایکٹیویٹی شکرگڑھ میں گلی گلی محلہ محلہ ھوگی اور ھر صورت ھو گی۔