شکرگڑھ (رانا طاہر شہزاد) نالہ ڈیک میں بارشوں کے حالیہ سلسلہ کے نتیجے میں ایک بار پھر سے بڑے پیمانے پر سیلابی  پانی اگیا ہے۔ نالے پر بنایا گیا عارضی راستہ بھی مکمل طور پر بند ہو گیا جس کی وجہ سے کشتی والوں نے بھی اپنی کشتیاں نکال لی ہیں۔ تحصیل ظفروال کو تحصیل پسرور سے ملانے والا راستہ پھر سے منقطع ہو گیا ہے۔ یاد رہے کہ گزشتہ چند ماہ قبل آنے والے سیلاب میں مذکورہ راستے پر بنا پل ٹوٹ گیا اور تاحال اس کی بحالی ممکن نہ ہوسکی تھی۔