شکرگڑھ (رانا طاہر شہزاد) بوسیدہ تاریں، ناکارہ مٹیریل اور گیپکو سب ڈویژن شکرگڑھ کی ناکام انتظامی حکمت عملی کے باعث شہر کے متعدد گلی محلوں میں صارفین کو بجلی فراہمی معطل ہونے سے شدید مشکلات کا سامنا ہے۔ پچھلے دو روز سے محلہ بریلوی، سرگالہ کالونی، اندرون چھمال روڈ کے دو محلوں سمیت دیگر علاقوں میں بجلی فراہمی معطل ہے۔ گھروں اور مساجد میں پانی کی قلت اور بجلی سے متعلقہ دیگر معاملات ٹھپ ہونے سے کاروبار زندگی مفلوج ہو کر رہ گئی ہے۔ متاثرہ علاقوں کے شہریوں نے ایکسیئن گیپکو سب ڈویژن شکرگڑھ یاسر عرفات اور گیپکو ایس ڈی اوز سے فوری اصلاح احوال کا مطالبہ کیا ہے۔