شکرگڑھ(مانیٹرنگ ڈیسک) تھانہ کوٹ نیناں کی حدود میں حساس ادارے کے ریٹائرڈ 60 سالہ اہلکار کو حویلی میں سوتے ہوئے بے دردی سے قتل کر دیا گیا۔ پولیس کے مطابق مقتول یونس کو گلا دبا کر اور سر پر کسی سخت چیز سے ضربیں مار کر قتل کیا گیا۔ واقعہ رات گئے پیش آیا، جس کے بعد پولیس موقع پر پہنچ گئی اور شواہد اکٹھے کرکے تفتیش شروع کر دی ہے۔ پولیس کا کہنا ہے کہ مقتول کا بیٹا بیرونِ ملک مقیم ہے جبکہ قتل کی وجہ تاحال سامنے نہیں آ سکی۔ پولیس مختلف پہلوؤں سے واقعے کی تحقیقات کر رہی ہے۔