شکرگڑھ(صہیب حسن صدیقی) واپڈا شیڈول کے مطابق 28 جنوری 2026 بروز بدھ کو شکرگڑھ گریڈ اسٹیشن سے سٹی فیڈر سمیت متعدد فیڈرز کی بجلی صبح 9 بجے سے لے کر دوپہر 3 بجے تک بند رہے گی دوسری طرف موصولہ اطلاعات کے مطابق شکرگڑھ کے متعدد گلی محلوں میں پہلے ہی بجلی فراہمی معطل ہے جس سے شہریوں کو شدید مشکلات کا سامنا ہے شہریوں نے شکرگڑھ ٹائمز سے گفتگو کرتے ہوئے بتایا کہ گیپکو سب ڈویژن شکرگڑھ میں بجلی بند ہونے کی شکایات درج کروانے کے باوجود متعلقہ انتظامیہ کی طرف سے دو روز گزرنے کے بعد بھی تاحال بجلی بحال نہیں ہو سکی متاثرین نے ایکسیئن گیپکو سب ڈویژن شکرگڑھ سے فوری اصلاح احوال کا مطالبہ کیا ہے۔